काकडी
काकडी आरोग्यासाठी अत्यंत फायदेशीर मानली जाते. उन्हाळ्यात काकडी खाल्ल्याने शरीरातील पाण्याची पातळी वाढते.
काकडी रेसिपी
काकडी कोशिंबीर, रायता किंवा सॅलड म्हणून आहारात खाल्ली जाते. आज आपण काकडीचे स्पेशल धिरडे ही रेसिपी सांगणार आहोत.
काकडी धिरडे
काकडीचे धिरडे बनवण्याची रेसिपी अत्यंत सोपी आहे. तुम्ही घरीच उन्हाळ्यात खास नाश्त्याला पौष्टिक काकडीचे धिरडे बनवू शकता.
साहित्य
काकडी, तांदळाचे पीठ, बेसन, ज्वारीचे पीठ, हिरवी मिरची, कोथिंबीर, ओवा, तीळ, मीठ, तेल हे साहित्य एकत्र करा.
मिश्रण तयार करा
सर्वातआधी एका मोठ्या भांड्यात काकडी बारीक किसून घ्या नंतर त्यात हिरवी मिरचीकोथिंबीर, ओवा, हळद, तीळ आणि चवीनुसार मीठ टाकून व्यवस्थित मिक्स करा.
पीठ तयार करा
नंतर या मिश्रणात तांदळाचे पीठ, बेसन आणि ज्वारीचे पीठ थोडे थोडे करून टाका. काकडीमध्ये पीठ भिजेल इतकेच पीठ तयार करा.
धिरडे कुरकुरीत करा
गॅसवर तव्यावर गरम तेलामध्ये हे मिश्रण चमच्याच्या सहाय्याने पसरवून घ्या. मिश्रण पातळ पसरवल्यामुळे धिरडे कुरकुरीत होतील.
धिरडे भिजवून घ्या
धिरडे शिजताना कडेने थोडे तेल टाका. खालची बाजू कुरकुरीत झाली की धिरडे उलटवा आणि दुसरी बाजूही चांगली भाजून घ्या. मध्यम आचेवर दोन्ही बाजून धिरडे सोनेरी रंग येईपर्यंत भाजून घ्या.
subsequent: How To Increase Stamina : शरीराची ताकद वाढविण्यासाठी काय खावे?
येथे क्लिक करा…
