PIL26B00897
पिलीव (ता. माळशिरस) ः येथील कोहिनूर इलेक्ट्रिकल्स या दुकानाचे शटर उचकटून अज्ञात चोरट्यांनी सव्वा लाखांचा मुद्देमाल लंपास केला.
पिलीवमध्ये इलेक्ट्रिक दुकान फोडून सव्वा लाखांची चोरी
पिलीव, ता. २० : माळशिरस तालुक्यातील पिलीव येथील कोहिनूर इलेक्ट्रिकल्स या दुकानाचे मागचे शटर उचकटून दुकानात प्रवेश करून दुकानातील सव्वा लाखांचा मुद्देमाल चोरट्यांनी लंपास केला. ही घटना मंगळवारी (ता. १७) रात्रीच्या सुमारास घडली. यामध्ये २६ हजार रुपये किमतीची पॉलीकॅप केबल, २८ हजार रुपये किमतीची तांब्याची तार तसेच दुकानातील सीसीटीव्हीचा डीव्हीआर व इतर सर्व सव्वा लाखांचा ऐवज अज्ञातांनी चोरून नेला.
याबाबत अज्ञाताविरुद्ध चेतन कैलास काळे यांनी माळशिरस पोलिस ठाण्यात फिर्याद दिली आहे. तपास सहायक पोलिस निरीक्षक श्री. जानकर करीत आहेत. विशेष म्हणजे मागील वर्षीही याच दुकानात चोरीची घटना घडली होती. दिवसेंदिवस पिलीव परिसरात चोरीच्या घटना वाढत आहेत. चोरट्यांचा बंदोबस्त करण्याची मागणी नागरिकांतून होत आहे.
