उपमहाराष्ट्र केसरी पै.अक्षय शिंदे वर मात करत पै. हर्षद सदगीर ने मानाची काळभैरवनाथ केसरी गदा पटकावली

Written by

रोहित खर्गे
विभागीय संपादक
०७ मे २०२२
पिंपरी
पिंपरी वाघेरे गावचे ग्रामदैवत श्री. काळभैरवनाथ महाराज उत्सव निमित्त आयोजित कुस्ती आखाड्यामध्ये पै. हर्षद सदगीर हे काळभैरवनाथ केसरी किताबाचे मानकरी ठरले आहेत.पिंपरी वाघेरे गावातील ग्रामदैवत श्री. काळभैरवनाथ महाराज उत्सव निमित्त दि.०५ मे रोजी नवमहाराष्ट्र विद्यालय क्रिडांगण येथे उत्सव कमिटीच्या वतीने कुस्ती आखाड्याचे आयोजन करण्यात आले होते. अनेक वर्षाची कुस्ती परंपरा असलेले पिंपरी वाघेरे ग्रामस्थांच्यावतीने सुमारे दोन लाख ६१ हजार ५१ हजार ४१ हजार ३१ हजार अशी अनेक रोख बक्षीसे कुस्ती आखाडा साठी जाहीर करण्यात आली होती.
यावेळी एकूण ५६ कुस्त्यांचा रंगतदार सामने पाहण्याची संधी हजारो कुस्तीप्रेमी नागरिकांना मिळाली. यावेळी महाराष्ट्र केसरी पै.पृथ्वीराज पाटील विरुद्ध हिंदकेसरी पै.नवीन कुमार तसेच पै.हर्षद सदगीर विरुद्ध उपमहाराष्ट्र केसरी अक्षय शिंदे यांच्यात श्वास रोखून धरणारी व उत्कंठावर्धक अश्या झालेल्या चुरशीच्या लढतीमध्ये पै.हर्षद सदगीर हे काळभैरवनाथ केसरी किताबाचे मानकरी ठरले आहेत. त्यांना कै.रघुनाथ दिनाजी वाघेरे यांच्या स्मरणार्थ मा.नगरसेवक संदिप वाघेरे यांच्या वतीने दोन लाख रुपये रोख व श्री. काळभैरवनाथ उत्सव समितीच्या वतीने चांदीची गदा देण्यात आली. कुस्ती स्पर्धेचे निवेदन श्री हंगेश्वर धायगुडे, कुस्तीचे पंच वस्ताद पैलवान निवृत्ती काकडे यांनी केले.
तसेच मान्यवर पाहुण्यांचे स्वागत हलगी वादक बापू आवळे यांनी केले.यावेळी उत्सव कमिटीचे अध्यक्ष पै.संदीप कापसे, मा.नगरसेवक संदीप वाघेरे, मा.विरोधी पक्ष नेते दत्तात्रय वाघेरे, सामाजिक कार्यकर्ते राजेंद्र वाघेरे, बाळासाहेब वाघेरे,पै.खंडू वाळूंज, पै.संतोष माचुत्रे, तानाजी वाघेरे आदि मान्यवर उपस्थित होते.
 
Your email address will not be published. Required fields are marked *





source

Article Tags:
Article Categories:
All News · Braking News · News

Leave a Reply

Your email address will not be published.

Shares